ۏجع الفراق

_ ايوه يازين بترن كل ده ليه مش أنا قولتلك إني ف....
إنتي طالق.
_ أنت بتهزر صح!
_ أنت ساكت ليه
_ طب فهمني السبب.
مفيش اسباب ياعاليا أنا مش مرتاح في العلاقة دي.
_ مرة واحدة كدا مش مرتاح وإحنا لا إتخانقنا ولا زعلنا من بعض!
معلش بقى ياعاليا.
_ معلش!
_معلش على إيه!
_ أنا مش هقولك غير كلمتين لو أنت ظالمني فربنا بيخلص الحقوق ولو أنا ظلماك هيجيبلك حقك بس أحب افكرك إني قولتلك قبل كتب الكتاب بلاش نكتبه دلوقتي غير لما نكون مهيأين للجواز ونكون قد الخطوة دي وأنت اللي اصريت قولتلك أنا مخطوبة مرتين قبلك ودي التالتة ومفيش في حياتي مجال لۏجع تاني قعدت تطمن فيا أنا مبقتش عارفة أنا بغلط في إيه مش عارفة حقيقي إيه جرمي الوحيد في حياتكم ياملايكة الأرض

بس ياعاليا إنتي..
_ ششش أنت مفكر زعلانة عليك أنت ولا تهمني أنا الكسرة جوايا من صعوبة التجارب مش ندم على فراق حد سلام 
_ سيبت المقابلة وروحت البيت حاسة بتوهان تخالط في المشاعر روحي بتنسحب مني بيضيق وبيتخنق تضارب بوغزات حزن بتخرم في جدار هدوئي خنجر متلطخ بالألم بيخترق قلبي ويصبغ عليه ألمه كل واحد قدمتله كل خير نسخلي أقبح نسخة من شخصيته وحطها في قلبي ومشى
_ حقيقي مبقتش فاهمة الغلط فين أول خطوبة كنت مراهقة وهبلة فوافقت عليه وخلاص بدون حتى ما أصلي إستخارة معرفش يحتويني ولا كان في بينا تفاهم فسيبته بكل هدوء الود متقطعش بيني وبين عيلته كنت ماشية بمبدأ النهايات أصول وأخلاق تاني خطوبة كان شغله ومركزه عالي حاولوا يقنعوني بيه وإن الراجل بجيبه ورغم إني صليت ومرتحتش بس كلامهم عنه مع بعض من الضغط والزن والحړب الفكري وافقت وكما توقعت طلع شخص بلا أخلاق وأهلي نفسهم اللي فسخوا مع إن هما نفسهم اللي ضغطوا عليا عشانه!
_ بعد تاني خطوبة سابوني أختار براحتي زين كان جار بنت صاحبتي وشافني هناك قالها عليا وطلب رقم اهلي كان جوايا ورع من العلاقات بهرب منها زي اللي بيهرب من مصېبة أو شبح!
_ رفضت اديها الرقم بس إهتمامه وإلحاحه خلى روح العاطفة اللي جوايا تميل تجاه قلبه طبعي الأنثوي غلبني وغلب خۏفي أهله عارضوه عشان كنت مخطوبة مرتين بس حاولنا نتغاضى وقولنا ما دام متمسكين ببعض خلاص نقدر نتحدى أي ظروف وضحتله خۏفي وضعفي قالي مټخافيش عمري ما هخذلك افعالي هتثبتلك وبكره الأيام هتوضحلك حبي ليكي حاول يفهمني إنه عافر وما صدق وافقت عليه أخيرا وأنا حاولت أقنع نفسي إن اللي جاي خير .. خير وبس!
_ كل ما أحس إني بنتصر وبطير بلاقي نفسي اترزعت بكل قوة لسابع أرض.
_ شوية ولاقيت بابا داخل أزضتي كالعادة هيقولي ربنا بيعوض أنا حاولت أقنع نفسي كتير بالكلمة دي بس الشيطان كان مكبل تفكيري وبيقولي هيعوضك منين يابايرة إنتي ٢٧ سنة ويوم ما حد هيجيلك هيكون فوق التلاتين وإحتمال يكون مطلق وحتى لو جه شخص مناسب لما يعرف تجاربك اللي فاتوا هيقول إيه 
_ خطوبتين وكتب كتاب.
_ والله يابابا مهما تقول ما هتقدر تطفي ڼار قلبي لو حاولت تجيبهالي من كل الإتجاهات قلبي مقفول على الحزن واليأس.
_ دخل بإبتسامته المعتادة وقال أقولك على حاجة 
عارفة يابابا اللي هتقوله أنا خلاص حفظته.
_ بس صدقيني دي الحقيقة..
بصيتله بتفهم محشور في ثناياه إرهاق وتعب وقولت دي تالت مرة أتخطب وأسيب سني بقى ٢٧ سنة يابابا كل واحد بيدخل
حياتي بيبقى عبارة عن تكملة