ۏجع الفراق

وقاله اسلمت ونطق الشهادتين 
عقبة كان عنده صديق لما عرف بإسلامه ڠضب بشدة في يوم عقبة معدي على صديقه وألقي عليه التحية فمردش عليه!
فقاله لما لا ترد تحيتي! 
فرد صديقة وقال سمعت أنك امنت بمحمد وكفرت بآلهة أجدادنا 
فقال عقبة فعلت هذا لأنه امتنع عن وليمتي ومأدبتي غلى أي حال. ما يرضيك 
فقال له صديقه أن تبصق في وجه محمد 
فجعل عقبة النبي يصلي وافرغ عليه امعاء واحشاء ذبيحة وبصق على وجهه يقال أن البصقة ارتدت إلى وجه عقبة فأحړقته وتركت أثرا على وجهه.
الشاهد من القصة أنه لما أسلم أسلم عشان بيحب محمد مش رب محمد.
وأنا حبيتك في الله قبل ما أحبك لشخصك أتمنى تصلي ومتخذلنيش من فراغ.
_ بصيتله بهدوء وقولت حاضر 
_ وأنا في الطريق قابلت صاحبتي اللي ساكنة جنب زين الكلام خدنا وجبنا سيرة زين فقالتلي سابك ياستي عشان أمه كانت عاوزاه ياخد بنت خالته ولما لقت جوازكم داخل في الجد وكتب كتاب بقى قالت لا وضغطت عليه ياخد قريبته بحجة إنها لسه صغيرة وحلوة والكلام ده وسابها إمبارح معرفش يتعامل مع عقلها الصغير 
_ يلا ياستي ربنا يسعد الجميع هتحتاجي مني حاجة
حبيبتي ربنا يكرمك.
_ سيبتها ومشيت وجوايا زعل عليه وفرحة من عظمة ربنا في أخذ رد الحقوق ونصره للمظلوم صليت إستخارة في ونس وإرتحت بطريقة مش طبيعية إتخطبنا وصمم يكتب اسمي على الدبلة من بره عشان يثبتلي إنه متشرف بيا ومكتفي بوجودي وكأنه بيقولي بطريقة غير مباشرة وجودك لغى العالم في نظري ونفسي كل اللي يبص على ايدي يعرف غلاوتك عندي 
_ كان حافظ مواعيدي بيتهم بأدق تفاصيلي عايش جوا حزني وبيتوجع أكتر مني مبيعرفش يكون طبيعي وأنا مخڼوقة مكنتش عارفة إن عوض ربنا بيجي جميل بالشكل ده وإن ممكن فعلا يكون رزقنا متجمع في شخص يكفينا عن العالمين ويضمد وجعنا اللي اتراكم جوانا من سنين.
كتبتا كتب الكتاب معرفناش حد غير اهالينا وخلاص قرب مني بخطوات سريعة زي المچنون أول ما وقف قدامي هدأ شوية قعد يطبطب على ويقولي حقك عليا من أي حاجة وحشة صابتك قبل مجيئي وحقك عليا لو زعلتك مرة بدون قصد وحقك عليا مقدما لو زعلتك في المستقبل بسبب أي ضغط 
_ غمست راسي في كتفه وبكيت بحتمي فيه من العالم بعدت لاقيت بابا بيبصلي بإنتصار وكأنه بيقولي بيعوض ولا لا 
_ الدعاء لازم يتكثف في نفس الوقت اللي البلاء فيه شديد لازم برضو نزود اليقين حتى لو الأسباب كلها مستحيلة إحنا مقصرين في حق ربنا ودايما جوانا عدم رضا وده اللي بيخلي البلاء يطول لازم نكون مدركين إن ما دام ربنا بيستخدمنا ولم يستبدلنا فدي حاجة في حد ذاتها رحمة قطع شرودي صوت ونس وهو بيهمس في وداني وبيقول بحبك 
_ تنحت..
متنحيش بقولك بحبك 
_ أنا مندمجة بس وبعيش اللحظة.
وهو عشان تعيشي اللحظة تجيبيلي صرع
_ خبطته في كتفه وفي وسط هزارنا لاقيت زين جاي تقريبا كدا ميعرفش إن النهاردة كتب كتابي
أول ما عينه جات عليا غمست صوابعي في صوابع ونس  بكل تلقائية وقف متنح وجواه حسرة مريرة ومشى بهدوء.
_ برغم إن ونس ملتزم وأنا مش ملتزمة بس عمره ما أجبرني على حاجة لما حب يلبسني النقاب قعد يجيبلي روايات ويحكيلي مواقف بين النبي والصحابة عمره ما قالي اعملي كذا وكذا ولا حتى قالي البسي النقاب هو بيفهمني ديني صح ويخليني أنا أخد الخطوة من نفسي بعد
اقتناع تام بعد اسبوع الفرح قالي اقعدي انتي هنا هعملك حاجة وجاي سمعت خبط في الحلل وحرب بين المعالق وخناق بين السكاكين وبعد ساعة إلا ربع لاقيته عامل صينية كيكة وجاي صحيح نسى يحط سكر وفانليا وبيض بس قولتله تحفة لكن لما دخلت المطبخ وشوفت منظر الحوض اتخانقنا وشدينا في شعور بعض عشان اصالحه شديته من ايده ولبسته اشيك طقم وكان مبسوط ومفكرني هعزمه على أكله في مطعم قومت لبست دريس حلو ونقاب لونه موف وثبت الموبايل على الترابيزة ووقفت جنبه وخدنا صورة وأنا واقفة جنبه لاقيته قال بتذمر طفولي إنتي ملبساني ومشيكاني عشان نتصور .. مردتش عليها وحطيتها صورة للبروفايل وكتبت كابشن.
الحبيب هو من يطيل أنفاسه لتحمل تقلبات المزاج عنك يترك طريقه المستقيم حتى يرافقك التواء طريقك ينصت إليك بشغف وصبر يعانق صمتك الطويل بجميل تفهمه يسد ندباتك بحديثه الطويل يزرع بين ثغراتك وأوجاعك ورود المحب بإختصار هو أنت ..
_ عملتله تاج واستنيته يفتح الفيس مفتحهوش وقاعد زعلان روحت قاعدة قدامه وقولت هو مش
تليفونك عمل تن تن مفتحتهوش ليه 
_ فتحه وشاف الإشارة ولاقيته مسك ايدي وقال
أمني وأماني ومأمني وعلا قلبي وشبيهة روحي وعوض أيام عجاف 
_ ضغطت على ايده وقولت
ونس وحدتي وونيس قلبي وأنسي وأنسي ووليف أيامي . 
بتحبيني..
_ بل نبض الفؤاد بك..