المهمشة كاملة وحصري بقلم أماني السيد (الفصل الأول والثاني)
اوصفه
طيب عملتى ايه انتى كل شويه بتصدمينى بصراحه أنا أول مره اتعامل مع شخصية كده
حاضر هكلمك
Flash back
ظلت سجده صامته بضعه من الوقت فقد كانت تنظر لهم وخاصة لتلك الزوجة كانت نظره تقييم ومقارنه سجده تفوقها جمال سجده كان هو لها أول رجل وانجبت له البنين والبنات لم تقصر فى شئ فلماذا إذا
كسر ذلك الصمت حديث صديق
قولتى ايه يا سجده موافقه
يعنى موافقتى هتفرق ايه مانت كده كده واخد قرارك ماشى ياصديق انا موافقه معنديش مشكله حقك والشعر محلل اربعه وانا مش هحرم شرع ربنا الغدا الجاهز انا هقوم اكل تحب تاكل ولا هتريحوا من المشوار
جلسوا جميعا على الطاوله وكانت سجده تتمالك نفسها خۏفها أن تظهر عليها أى مشاعر
هى لن تقبل الهزيمه وحتى إن قررت تركه فليس بتلك الطريقة تحدثت سجده
على كده بقى انت كل ده كنت فى شهر عسل صح ولا ايه
طول عمرك قفشانى يا سجده بس احنا سافرنا شهر واحد بس مش شهرين
والبنات الحلوين دول كانوا معاكوا
انتى مابتتكلميش ليه يا ميار مش ميار برضه شكل الأكل مش عاجبك
اشارت براسها بنعم
تحدثت سجده بإستهزاء لم تستطع اخفاءه
هى خرسه ولا ايه مش بتتكلم ولا سامعه صوت
تلاقى بس عشان الجو جديد عليها
ونظر لميار
اتكلمى يا ميار احنا هنعيش كلنا في بيت واحد
صحيح يعنى يا صديق مسألتش على الولاد مشتقتلهمش ولا ايه
لا محبتش ازعجك سبتهم عند ماما
لأ ابعتى هاتيهم دول وحشونى جدا
هبعت لاخويا يجبهم حاضر
شعر صديق بقلق أن يعرف احد من اسرتها ويقفوا امامه ويجبروه أن يطلق أحدا منهم فالواضح أن سجده تقبلت الامر ولكن أهلها لن يتقبلوا الامر بسهولة
End flash back
كان لازم اتقبله اصلى لو ثورت وعملت مشكله وطلبت أهلى وعملت بوليكه ده هيفرق فى ايه ماخلاص اللى حصل حصل كان ممكن اعمل كده قبل مايتجوز لكن خلاص هو اتجوز وانا بقيت قدام الأمر الواقع ولو كنت عملت مشكله كبيره مكنش هيكون فى غير حلين يا إما يطلقنى ووقتها هبقى خسړت او أجبره يطلقها ووقتها هيحس انها المظلومه والفجوه اللى بينا تكبر
ليه اطلب الطلاق ليه عشان الناس تقول اتجوز عليها اكيد فيها حاجه ومعيوبه
كلام مش منطقي خالص فى ستات كتير مطلقه وعايشين حياتهم زى الفل
وليه يتنسب الفضل ليها فى نجاحه ليه بعد ما بنيته وبقى راجل ناجح اسيبه بمنتهى البساطة كده اسيبلها النجاح اللى حققته والناس تقول وراء مل رجل عظيم امرأه وتبقى هى الزوجه دى هو مش موظف ب ٢٠٠ جنيه لما يتجوز اقوله مع السلامه كده بسهوله انتى فاهمه حاجه يا دكتوره
صديق كان ولا حاجه لو مكنتش وقفت جمبه من البداية مكنش بقى فى الوضع ده ولا كان اتجوز عليا أصلا
طيب هى كانت عامله إزاى معاكى يعنى العلاقه بينكم
الصح سؤالك يبقى علاقتى بيه هو الأول بقت إزاى
الطبيبه تمام نبدأ بعلاقتك بيه
Flash back
انتهى العشاء وطلب من العامله تحضير غرفة لميار وغرفة اخرى لابنتيها
تحدثت سجده بسخرية داخلية
طيب يا عرسان هسيبكم بقى تريحوا من السفر وانا هطلع انام تصبحوا على خير
استغرب صديق من برودها تجاهه هو توقع أن تثور تغضب لكن ما حاله اللامبالاة تلك
تجاهل الامر وقرر الصعود لغرفته برفقه ميار فهو بحاجة للنوم فى اليوم التالى استيقظ
