ندالة عاشق كاملة (نوڤيلا كاملة بقلم نداء علي)
انت في الصفحة 1 من 5 صفحات
الفصل الاول
ندالة عاشق
بسم الله الرحمن الرحيم
لا اله الا انت سبحانك اني كنت من
نداء علي
في إحدى القرى المصرية البسيطة المميزة بجمالها الهادئ تقف أمام المرآة واحدة من بطلاتنا تنظر إلى وجهها بتقييم تهندم من زيها المدرسي باهتمام نظرت من حولها تتأكد من غياب والدتها لتبتسم بسعادة عندما استمعت إلى صوتها تتلو القرآن كما تفعل كل يوم امسكت قلم الكحل وكحلت عيناها بخفة كي لا تلاحظ والدتها اختلافا ووضعت القليل من أحمر الشفاه الوردي اللون اسرعت خارجة تنتوي الذهاب قبل أن يلحظها أحد لكن شقيقتها الكبرى تحدثت إليها بخفوت قائلة
نادرة بملل يوووه انتي صاحيه بدري ليه
عبير علشان أقفشك
نادرة بغيظ ده انتي غلسه انتي وعيالك
عبير بتغلطي في اختك الكبيرة يا جاحدة طيب أنا هنده لأمك واقولها انك متزوقه وبتتسحبي قبل ما هي تشوفك
نادرة بدلال بيرو حبيبتي ده انتي ملاك انتي وولادك أنا عيلة هبله متاخديش على كلامي
عبير برده لأ
نادرة أنا اختك الصغيرة يعني زي بنتك مفروض تدلعيني وتستري عليا وخليني امشي قبل صفيه ما تخلص وتقفشني
نادرة مهرولة بعيدآ عنها حاضر يا ماما عبير فاهمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
في بيت اخر أسرع بطلنا الأول بالخروج استوقفته والدته قائلة
اقعد افطر الأول ياحبيبي
فياض لأ هتأخر
ناديه ربنا يوفقك يابني شد حيلك علشان تجيب مجموع حلو ويشرفنا
ناديه واد انت استنى الدنيا مش هتطير وبعدين هو في ولد بيبقى مستعجل كده عالمدرسة تكونش بتحب
فياض هو ممنوع
نادية بغرور مش ممنوع طبعا المهم تختار واحدة تليق بيك واحدة ترفع منك مش اي واحدة والسلام
فياض بملل ماشي ربنا يسهل سلام بقى
على مقربه من المدرسة الثانويه يقف أحد الشباب يتطلع إلى الماره من حوله بتوتر فقد بات حديث الفتيات ينظرن إليه باشفاق واعجاب فرغم وسامته العاديه الا أنه يتميز بجاذبية من نوع خاص اجتماعي وحديثه مع الآخرين لا يخلو من اللباقة يشهد له الجميع بالذكاء ومع ذلك لم يستطع الحديث إليها بعد يتابعها منذ ثلاث سنوات يتبادلان النظرات في صمت عليه أن يفضي إليها بما يحمله لها من مشاعر فلم يعد بإمكانه الانتظار
صباح الخير يا باشا لأ أنا صاحي تحت أمر معاليك
استمع إلى حديث الطرف الأخر وقال
حاضر هاخد أنا الورق واخلص كل حاجة ولا يهمك.
أنهى الاتصال بعد قليل ونظر إلى ساعة يده يخشى ألا تأت صفا في موعدها ولا يود المغادرة لكن موعد عمله قد حان.
اتأخرتي النهارده ليه
نظرت إليه بغيظ قائلة
انت اللي اتأخرت يابني.
فياض في حد يقول لحبيبه يابني برده
قاطع حديثهما صفا التي تحدثت پغضب إلى صديقتها قائلة
يلا يا نادرة في ايه مالك البنات بتبص علينا
صفا على فكرة اتأخرنا عالطابور بعد اذنك
تحدثت نادرة بلوم واعتراض قائلة
ايه ده يا صفا فكيها شويه ما انتي عارفه اننا بنحب بعض
صفا حب ايه وبتاع ايه احنا ثانويه عامه ركزي احسن
نادرة والله انتي فظيعه طب بصي الواد المسكين اللي بيبص عليكي بقاله كام سنه وخاېف يكلمك يابت ده صعب على بنات المدرسة كلها وانتي ايه جبلة
صفا بحزن وبعدين يا نادرة قولتلك أنا مليش في الحب وۏجع القلب ده البنت لازم تبقى قوية وتدور على مستقبلها ومصلحتها
نادرة طيب ياختي لما نشوف اخرتها معاكي متنسيش النهارده خطوبة هبه عقبالنا يااارب.
مساءا التقت صفا ونادره مع باقي الفتيات كل منهن ترتدي أجمل ما لديها علها تحظى بعريس مناسب كانت نادرة تهمس إلى صفا قائلة
ما تضحكي يابت انتي مكشره كده ليه
صفا أمي قالتلي ساعه واحدة بس وأروح
نادرة محبكاها أوي أمك يا صفا
صفا هقولها
نادرة ضاحكة اياك تقولي يا صفا والله هعجنك
صفا جبانه
نادرة يابت بحبها ومش عوزاها تزعل مني
صفا طيب ياختي مدي خلينا نبارك لهبه ونروح الساعه عدت من بدري وسمعلي كلمتين حلوين عالمسا
تحدثت اليهما العروس قائلة بغيظ
تروحي فين انتي وهي مش هتمشوا غير لما ألبس الشبكة
نادرة معلش بقى الدنيا ليلت وانتي عارفه صعب نمشي لوحدنا بالليل
هبه هخلي حد من اخواتي يوصلكم
صفا معلش ياهبه أمي هتزعل وانتي عارفاها
هبه يابنتي يعني حبكت
قبلتها صفا واعطتها هديه داخل متواضعة قائلة
ألف مبروك متعوضه في الفرح بقى
فعلت نادره المثل وغادرا الاثنان لتتحدث إحدى الفتيات قائلة
وخداها جد أوي صفا عبدالمجيد يا بنات
اجابتها أخرى
الناس مبترحمش وأبوهم مطلق أمهم من امتى وطبيعي تاخدها جد بدل ما حد يلسن عليهم
هبه فعلا والله دي بنت حلال وجدعه جدا بس هي پتخاف حد يضايقها أو يزعل أمها
تعالت اصوات الزغاريد فتحدثت احداهن قائلة
العريس وصل يا هوبا
دلفت صفا إلى مسكنها فوجدت والدتها غافيه فوق الأريكه قبلت رأسها بحب وحزن من أجلها وتحدثت بحنو
قومي يا ماما نامي جوة أنا جيت أهو
بصوت يغلبه النعاس أجابتها فاطمه قائلة
اسخنلك تتعشي
صفا لأ أنا شبعانه ولو جعت هقوم أعمل سندوتش نامي انتي ومتحمليش هم
فاطمه ربنا يريح قلبك يابنتي ويطمني عليكي في بيت عدلك
تحركت فاطمة بخطوات مجهده كحال قلبها الذي عانى الكثير فقد قست عليها الدنيا كثيرا ومازالت صامده تتحدى الأسى بابتسامة راضيه ونظرت صفا في أثرها بحزن قائلة
ربنا يعوضك خير يامه ويباركلنا فيكي.
وتهرول الأيام سريعا وكأنها تهفو إلى القاءنا عن كاهلها وحمل ركاب جدد تهرول ونلهث نحن من فرط التعب.
ابتسمت عينا صفا عند رؤيتها لمنصف لقد غاب عن ناظريها ما يقرب من الشهر افتقدت وجوده واهتمامه الصامت بها وظنت انه قد يأس من تجاهلها له كما أخبرتها نادره
شهقت نادره بسعادة قائلة
الواد منصف رجع تاني يا صفا شكلنا ظلمناه واهو رجع ومهربش
وكزتها صفا بغيظ هامسه
اسكتي يا زفته هيسمعك
نادره يابت اعقلي بقى هيطفش من وشك ترجعي ټندمي وربنا شكله عسل في البدله الميري
صفا يارب الواد فياض يسمعك وانتي بتعاكسي غيره
نادره حرامي عليكي يا صافي دي مش معاكسه دي حقيقة واضحة
صفا ضاحكة طيب يا فالحه امشي خلينا نروح نتغدى ونطلع عالدرس
نادره يوووه امتى نخلص بقى من الثانويه العامه دي وناخد افراج
صفا كل شيء بأوان مش يمكن الأيام دي احسن من غيرها
نادره لاااا مفيش أيام بشعة زي اللي احنا فيها دي الواحد قرب يتجنن من كتر الدروس والمذاكرة
صفا بسخريه والحب!
نادره الحب ده اللي مهون عليا كل حاجة عارفه يا صفا اكيد كل اللي حوالينا شايفين ان حبي لفياض حب مراهقة وهينتهي بس والله ابدا أنا بحبه فوق ما حد يتخيل
صفا بهدوء ربنا يجعله من نصيبك لو فيه خير
نادره هتعملي زي أمي اكيد فيه خير بس انتوا ادعوا وملكمش دعوة
صفا هي أمك عرفت يابت
نادره اه فياض كلمها وقالها انه مستني ندخل الجامعة وهيجي يتقدملي بس ادعيلي يا صفا أهله ميعترضوش
صفا ان شاء الله يا نادره ربنا يسعدك
اقترب منصف من وقفتهما وتحدث بجدية واشتياق قائلا
سلام عليكم اخباركم ايه
نادره وعليكم السلام ورحمة الله الحمد لله ازيك انت يا استاذ منصف
كانت نظراته معلقة بصفا التي اختبأت خلف صمتها فتحدث قائلا
أنا كويس الحمد لله ازيك يا صفا
صفا بمشاعر بريئة ومتضاربة الحمد لله يلا يا نادره هنتأخر
منصف والله أنا ما قصدي اتسلى أنا بحبك
صډمتها جعلتها تتسمر مكانها بينما ابتسمت نادره واستمر هو في حديثه موضحا
أنا غرضي شريف واكيد مش هسيب شغلي كل يوم واجي اقف قدام المدرسه بقالي كام سنه علشان اتسلى واضيع وقت
صفا بحدة خشية أن يراها أحد واقفه بصحبته
والمطلوب انت عاوز مني ايه وبعدين لو حد شافنا دلوقتي وراح قال لأمي هتبقى مبسوط
منصف المطلوب كلمة واحدة منك بعدها هبعد عنك خالص لو رفضتي ولو وافقتي هعمل كل اللي اقدر عليه علشان تكوني من نصيبي
صفا بتوتر وخجل كلمة ايه
منصف انتي مرتبطه بحد
صفا لأ طبعا ايه الكلام الفاضي ده.
منصف طيب بتكرهيني في عندك اعتراض عليا يعني
صفا بخفوت لأ أنا مبكرهش حد
منصف يعني عارفه اني بحبك
صفا لو سمحت ميصحش كده خلينا نمشي
منصف حاضر انا مش هضايقك بس اجابتك وصلتني وصدقيني مش هتندمي والأيام هتأكدلك اني راجل وشاريكي.
ابتعد منصف بعدما أفضى اليها بمشاعره وبقيت هي تتخبط بين أفكارها الحائرة قلبها يرجوها أن تمنحه فرصة ليحيا وينبض وعقلها يعلن عصيانه فالحب ضعف وألم لا قبل لها به شجعتها نادره قائلة
يابنتي عيشي حياتك هيحصل ايه يعني الواد بيحبك وانتي كمان يا صفا شكلك مش رفضاه يبقى ليه بتعاندي
صفا الرجالة بياعة يا نادره وأنا بخاف وقلبي مش حمل ۏجع
نادره يابنتي بلاش تشاؤم وبعدين هو حد كان ضربه على ايده بقاله كام سنه بيجري وراكي ايه بقى اللي يخوف
صفا مش عارفه
نادره يلا يلا خلينا نحب ونعيشلنا يومين مش هيبقى نكد من كله
ابتسمت صفا وتساءلت
انتي شايفه كده يعني
نادره ومفيش غير كده ده الحب ده أجمل حاجة في الدنيا.
منتظرة ارائكم
الفصل الثاني
حصري
الفصل النهارده بمناسبة عيد ميلاد ابن اختي حبيبي كل سنه وهو طيب Zozo Ali
بسم الله الرحمن الرحيم
لا اله الا انت سبحانك اني كنت من الظالمين
البارت الثاني من نوفيلا ندالة عاشق
نداء علي
ترقب وتوتر خوف لا يعادله شيء في الحياة ينتظر الجميع اعلان النتائج وكل منهم يرسم بخياله صورة لمستقبله يرى الطلبة أن تلك الأرقام المعلنة هي مستقبله بأكمله
تحدثت نادره بصوت خائڤ قائلة
يارب تنجح يا فياض وتجيب اكبر مجموع في البلد
صفا بغيظ إدعي لنفسك الأول وبعدين ادعيله ياختي
نادره وأنا وهو ايه يعني
صفا انتي وهو اتنين يا بقرة
نادره بهيام لأ احنا واحد واللي يهمني هو وبس
صفا بتوتر طيب اسكتي مش نقصاكي أنا بطني بتمغص من الخۏف وھموت من القلق
نادره متقلقيش ربنا مش هيضيع تعبنا
صفا يارب يا نادره نفسي افرح أمي
نادره بحماس اسكتي هيعلنوا عن نتيجة أدبي
دقائق مرت كما السنوات إلى أن صاحت نادره بسعادة قائلة
أنا نجحت وجبت ٨٥ أحمدك يارب عقبالك يا صفا
انتظرن قليلا إلى أن ادمعت عينا صفا قائلة ألف حمد وشكر ليك يارب ٩٠ في الميه هدخل كلية تربية ان شاء الله احتضنتها نادره بحب وسعادة قائلة
وأنا معاكي برده مش هسيبك ياترى الواد منصف عمل ايه
صفا متقلقيش ياختي ده موس ماشاء الله
نادره ده أر ولا حسد
صفا الاتنين تقريبا
قهقة كلاهما بصفاء وسعادة نابعة من قلب لم تلوثه بعد صڤعات الحياة وتخلي البشر.
نظرت إليه بدهشة ليكرر على مسامعها حديثه الواثق قائلا
ايوة هدخل ثانويه عانه وبعدها كلية حقوق ما أنا مش هفضل طول عمري أمين شرطة أنا انسان طموح جدا وعاوزك تساعديني أوصل لهدفي وعلى فكرة أنا مصمم أخد جامعة علشان محسش اني أقل منك
